Manipur sorkarin anti-drug policy an duang

Manipur social welfare minister Nemcha Kipgen chuan ruihhlo awm lohna state-a Manipur siamna turin sorkar chuan anti-drug policy an duang tih a sawi.

Nemcha Kipgen chuan Manipur drug policy draft hmasa ber chu peih a ni ṭep tawh tih leh mawhphurtu turte rawn mek an nih thu a sawi a ni. Thawhlehnia International Day against Drug Abuse and Illicit Trafficking programme an hmannaa thu a sawinaah Kipgen chuan Social Welfare Department-in rehabilitation centre 20 an hawn tawh thu a sawi. Heng centre-te hi mamawhtute pan theih tur a nih thu sawiin; ruihhlo ngai tam takin an ṭhatpui a ni, a ti.

He hunah hian agriculture minister V Hangkhanlian, edu­cation minister Th Radhe­shyam Singh leh principal secretary (Social Welfare) V Vumlunmang-te pawh an tel. V Hangkhanlian chuan ruihhlo hmansualna chu ṭhalaite zingah a hluar hle tih sawiin Churachandpur district-ah phei chuan issue pawimawh tak a ni tih a sawi ve bawk. Education minister Radhe­shyam pawhin ruihhlo ngaite enkawl uluk an ngaih zia a sawi.