Valencia-ah Barca keeper a lut dawn

Season thara Champions League khel tur Valencia an in­thuam ṭha ṭan a, Barcelona aṭangin goalkeeper Jasper Cillessen chu pound mak­taduai 31.35-in an lalut dawn. 

Kum 30 mi Cillessen hian Barcelona-ah season thum hun a hman chhungin match 32 a khelh sak a, La Liga (2), Copa del Rey (2) leh Spanish Super Cup (1)-ah te nomawi a chawipui. 

Netherlands international hian Valencia-ah hian kum li chhung khel turin contract a ziak a, a release clause atan pound maktaduai 71.66 tih a ni. 

Cillessen hian August 2016 khan Ajax aṭangin Barcelona hi a pan a, Catalan club hian pound maktaduai 11.1-in an lalut. 

Barcelona chuan thuchhuah siamin, "Barcelona chuan Jasper Cillessen hi a inpekna leh hnathawh avangin lawmthu a hrilh a, a hma hun atan duhsakna kan hlan a ni," an ti.