Save Umananda campaign buatsaih

World Earth Day 2019 hmanna kawng khat atan, Voice of Environment (VoE) leh department of Environmental Science, Royal Global University (RGU), Guwahati ṭang­kawp chuan Pathianni khan 'Protect Umananda Island and its Ecology' campaign an buatsaih.

Kumin theme 'Save Our Species' zulzuiin VoE chuan 'Save Umananda-the smallest Island of the Brahmaputra' campaign an tlangzarh a ni. He hunah hian pungkhawm mipuite leh Umananda tlawhtute hnenah plastic pollution hlauhawmna te leh Brahmaputra-a thliarkar te ber Umananda biodiversity conservation pawimawhna te an hrilh a ni. Umananda hi hi Assam state heritage site a ni bawk.

VoE team-te hian thliarkarah hian clean­liness drive an nei nghal bawk a, hemi hnu hian thing te an phun leh bawk a ni. He hun hi environmentalist Mo­harana Choudhury leh Muskaan Poddar-te chuan an kaihruai a ni.

Umananda hi ramsa chikhat Golden Langur-te chenna hmun a nih avangin a lar hle bawk a, Golden Langur-te hi humhim an ngai tawh hle nia tarlan a ni bawk. Save Umananda hi plastice free-a siam tumna leh ecosystem chhe zel tur venna tur atana buatsaih a ni.