Assam : Kamrup-a godown-ah EVM hman loh dahkhawm Congress-in thil dik lo awm niin ngai
Assam Kamrup-a Deputy Commissioner Office ep chiaha bungraw dahkhawmnaah Pathianni zan dar 10:35 vel khan EVM hman loh nia sawi eng emaw zat dahkhawm hmuh a nih thu tarlan a ni.
Report-in a tarlan dan chuan heng EVM-te hi Assam district hrang hrang aṭanga phurhkhawm te an ni a, Kamrup DC thuneihna huamchhunga awm, Amingaoan-a Strong Room-a dahkhawm tura phurhkhawm an ni.
Tualchhung mite chuan truck eng emaw zatin heng EVM-te hi godown-a dah tur hian hmun dang aṭanga an phurh luh a nih thu an sawi.
Assam Pradesh Congress Committee (APCC) chuan Thawhṭanni khan thuchhuah siam nghalin APCC General Secretary, Chaudhury chuan thil fel tawk lo a awm nia sawiin Kamrup DC pawh chu MLA, Jalukbari leh Cabinet Minister Himata Biswa Sarma nena inhnim hnai tak an nih thu a sawi. ECI leh Chief Election Officer (CEO) hnenah pawh hemi chungchang hi an thlen tawh thu sawiin sawnchhuah a ni chuang lo tih a sawi a ni.