NSCN-IM ten Manipur-a an camp chhuahsan

Defence PRO (Kohima) Col C Konwer chuan Manipur Ukhrul district-a Indo-Myan­mar border-a National Socialist Council of Nagaland- Isak Muivah (NSCN-IM) awmte chuan an camp an chhuahsan ta niin a sawi.

NSCN-IM-te hian Khama­som aṭanga km 5, Sihai thing­tlang khuaah phalna nei loin camp an siam a, heihi Ceasefire Ground Rules bawhchhiatna nia sawiin Assam Rifles-te chuan an helh hle a ni. Assam Rifles-te leh NSCN-IM-te inkar boruak pawh a sosang hman viau a, mahse hel te hi an insawn chhuak ta a ni. 

Col C Konwer chuan phalna nei loa camp din chu inkahhai puan bawhchhiatna a nih thu sawiin tualchhung mite tan pawh a ralmuan thlak loh hle tih a sawi. Defence PRO chuan camp din hrim hrim chu inkahhai puan bawhchhiatna a nih bakah camp an siam tih security force-ten an hriat hnu pawha an insawnchhuak duh lawk lo chuan tualchhung miteah harsatna a thlen tih a sawi bawk. 

Inkahhai an bawhchhiatna chu Naga mipuite phatsanna ang hial a nih thu sawiin inremna an ziah tawh, a hmawr bawk ṭep tawha Naga mipuiten beiseina sang tak an neih chu an phatsan a ni, a ti.