June 15-ah Assam NRC list tichhuak leh dawn

Assam National Register of Citizens (NRC) list, July 30, 2018-a tihchhuah tawh chu June 15 hian tihchhuah  a ni leh dawn a, list-a tel tawh mi sang chuang zet chu paih an ni leh dawn niin sorkar official-te chuan an sawi.

NRC state coordination official chuan nikum July 30-a draft list tihchhuaha hming lang zingah khan chhan hrang hrang avanga paih ngai an awm leh tih sawiin, June 15-a list tihchhuah leh hunah chuan hming tam tak paih an ni leh dawn a ni, a ti. Hming paih tur zat chiah erawh a sawilang duh lo thung. 

June 15-a list tihchhuah hnuah hian ni 15 chhung claim and objection siamna hun hawn leh a ni ang a, kumin July 31-ah hi chuan final list tihchhuah hman an inbeisei tih official te chuan an tarlang. December 17, 2017 khan NRC draft list hmasa ber hi tihchhuah a ni a, hemi ṭum hian mi pawimawh tak tak hming tel lo a awm nual avangin sawisel a hlawh hle. July 30, 2018 khan draft list pahnihna hi tihchhuah a ni leh a, hetah hian NRC dil zinga hming nuai 40 chuang zet chu an tel lo bawk a ni.