Sikkim-ah Indo-China Insumdawn tawnna hawng leh

May 1, Nilaini aṭang khan Sikkim-a India leh China insumdawn tawnna hmun chu hawn a ni leh tawh a, tunṭum hi 14th eposide tia sawi niin, Indo-China trade hian hma a sawn ngei beisei a ni bawk.

Kumin atana Indo-China trade hawnaah hian ram pahnih aiawh official leh sumdawng mi an tel nual a, India lamah Commerce and Industries Department officer-te an tel ṭha hle a, Principal Secretary Thomas Chandy pawh a tel a ni. State department dang aṭangin tel an awm bakah, Central Agency aṭang pawhin tel an awm bawk.

Kum tinin Sikkim-a Indo-China trade hi May 1 aṭanga November 30 thleng hawn ṭhin a ni a, kar khatah ni li, Thawhṭanni aṭanga Ningani thleng hawn ṭhin a ni. Kum liamtaah khan he lai hmun aṭang hian cheng vaibelchhe 45.03 man hu bungrua thawnchhuah a ni a, cheng vaibelchhe 3.23 man hu lakluh a ni.

Wheat Flour, Dalda, Biscuit, Bungbel leh Copper item-te thawnchhuah a ni ber a, Garment, Carpet, Blanket, Pheikawk leh China Clay-te chu bungraw lakluh ṭhin langsar a ni bawk.