Hmarchhak tourism pualin committee din

Union ministry of tourism chuan  hmarchhak biala tourism chawilar leh tihhmasawn dan ngaihtuahtu tur committee a din. 

Tourism ministry hian scheme hrang hrang hnuaiah hmarchhak state-te hi tourism sector tihhmsawnna turin  ṭanpuina pawh a pe fo a, tourist infrastructure tihchangtlunna tur te, fair/festival buatsaihna tur te, tourism kaihhnawih event buatsaih leh publicity campaign-na kawngahte a pui nasa hle. Digital, print leh social media hmangin hmarchhak tourism chawilarna tur campaign-te a siam bawk. 

Kum 2013 aṭang khan hmarchhak state-ah hian International Tourism Mart (ITM) edition vawi riat a lo buatsaih tawh a, heng hunah hian hmarchhak bialin ramchhung leh khawvel huapa tourism potential a neihte pho lan an ni. 

'Dekho Apna Desh' campaign hnuaiah hian kum 2020, April thla aṭang khan ministry chuan hmarchhak bial bik tan webinar-te a buatsaih ṭhin bawk. March 12 hian ‘cuisines of North East Region’ tih thupui hmangin webinar hi neih leh a ni ang.