AP CM-in mobile digital movie theatre vailiam

Arunachal Pradesh chief minister Pema Khandu chuan Ningani khan Itanagar-ah ‘Mobile Digital Movie Theatre’ panga a vailiam. 

‘Mobile Digital Movie Theatre' te hi air-condition vek niin, fire-proof leh weatherproof an ni a, truck sirah feet 34-a lian LCD screen hi dah a ni. 

Chief Minister chuan he project hi kum hnih liam ta khan ngaihtuah a ni tih sawiin, mobile theatre siamna tur leh enkawltu turte training pekna turin budget pawh siam a ni, a ti. Heng mobile theatre-te hi V-SATS a thuam niin khawi hmunah pawh internet connection a pe thei dawn a ni. 

Khandu chuan an tum ber chu thingtlang lama awmte entertainment pek bakah, digital hmanga zirtirna pek a ni tih sawiin, state leh central sorkar programme leh policy hrang hranga mipuite zirtirna pekna tur, special film te tihchhuah a ni dawn tih a sawi. Mobile theatre hmang hian thingtlang lama chengte leh sorkar chuan inzawmna ṭha tak an neih phah thei dawn a ni, a ti.