Surveillance team-in Assam-ah Rs vbc 31.81 hu thil man tawh

Assembly inthlan neihna tur, Assam-ah surveillance team leh flying squad-te chuan February 26 - March 11 chhung khan dan loa thil sem/kawl, cheng vaibelchhe 31,81 hu an man tling tawh. 

Inthlan neih hun tur puan a nih aṭang khan Assam police, state excise department, income tax department, directorate of revenue intelligence, Narcotics Control Bureau, flying squads, static surveillance teams leh regulatory agency dangte chuan dan loa thil tih awmna vengin hma an la nghal a ni. 

Chief electoral officer, Assam chuan February 26-March 11 chhunga an thil mante hi pawisa fai cheng vaibelchhe 8.80, zu cheng vaibelchhe 7.68 hu, rangkachak leh silver tlereuh cheng vaibelchhe 1.46 hu a ni tih a sawi. Hei bakah hian ruihhlo chi hrang hrang, heroin, ganja leh brown sugar cheng vaibelchhe 10.18 hu man a ni tawh a; poppy seed, contraband tablet leh foreign cigarette cheng vaibelchhe 3.69 hu an man tel tawh bawk.