Guwahati-a electric bus hmasa ber tur thleng

Assam state khawpui Guwahati-ah chuan a vawi khat nan Zirtawpni liamta khan electric bus hmasa ber chah thlen a ni.

He bus hi  FAME (Faster Adop­tion and Manufacture of Hybrid and Electric Vehicles) scheme hnuaia chah thlen niin, Assam hian FAME scheme hnuaiah hian electric bus 25 neih an tum nia tarlan a ni bawk.

Assam State Transport Corporation (ASTC) director Anand Prakash Tiwari chuan Guwahati chhungah hian electric bus 15 tlantir a nih dawn thu a sawi. Assam Tribune in an tarlan dan chuan tun nipui chhung ngei hian Kamakhya temple kawngah electric bus hmasa ber hi tlantir an tum tih a sawi.

Bus-te hi kawng hrang hrang-ah tlantir tum an ni a, charging station chu Inter-State Bus Terminal, Guwahati leh Assam State Transport Corporation, Paltan Bazar complex-ah te dah a ni dawn a ni.