Hmarchhakah thlawhtheihna leh rel service leh tawh

Cyclone Fani vanga hmar­chhak hmun hrang hrangah thlawhtheihna leh rel service tihtawp lailawk a nih hnuah Pathianni khan thlawhtheihna service chu ṭan a ni leh tawh a, rel service pawh nimin aṭang khan ṭan an ni leh tawh bawk.

Airports Authority of India thupuangtu chuan Pathianni khan hmarchhaka airport zawng zawng chu hawn a ni leh tawh tih sawiin, Pathianni aṭang kha chuan flight cancel a awm leh tawh rih lo tih an sawi. Cyclone Fani vanga khua nasa taka a chhiat avangin Guwahati, Imphal, Agartala, Dibrugarh, Lilabari leh Dimapur airport-a thlawhtheihna 91 service chu tihtawp lailawk a ni a, mahse Pathianni aṭang khan thlawhtir an ni leh tawh a ni.

Northeast Frontier Railway (NFR) pawhin south-India lam pan rel 20 chuang service chu an tihtawp hnuah nimin aṭang khan service hi an ṭan leh tawh bawk.