Assam-Nagaland border-ah Zan curfew puang

Additional District Ma­gistrate (ADM) Siva­sagar, Assam chuan Naga­land nena an inrina, Sivasagar district Assam lamah ni 60 chhung atan zan lamah curfew a puang. 

Curfew hi May 22 aṭang hian ṭan a ni dawn a, zan dar 6:00 aṭanga zing dar 6:00 inkarah zantin puan a ni ṭhin dawn a, Sivasagar area-a km 5 bial chu a huam dawn a ni.

ADM chuan Sivasagar district-a Assam leh Naga­land inrinaah chuan buaina chhuah lohna turin leh dan kalha che an awm lohna turin curfew hi puan a nih thu a sawi a, buaina chhuah an hlauhthawn chhan erawh tarlan a ni lo.

Thupek hian mi tu­pawh, ke in emaw lirthei  emaw pawhin an veivah a phalsak lo a ni. Mahse hei hian  Magistrate, Army Security personnel, CRPF, Police leh civil official-te chu a huam lo thung.