AP-in nungcha humhalhna campaign kalpui

Arunahal Pradesh sorkar chuan an state chhunga nungchate humhalhna tura “Air­gun Surrender Abhi­yan”campaign a siam chu Pathianni khan environment and forest minister Mama Natung chuan a hawng. 

Sava leh ramsate kahhlum an ni fo venna turin state sorkar chuan he campaign hi a buatsaih a, April thla aṭangin forest department chuan state chhung hmun hrang hrangah campaign hi an nei ṭan dawn a ni. 

Mi tam takin silai hmangin sava leh ramsa te vehin an kaphlum fo a, hei vang hian Arunachal Pradesh-ah nungcha awm species tam tak chu an mang mai hlauhawmin an awm tawh a ni. 

Union minister of state for youth affairs and sports Kiren Rijiju chuan chief minister Pema Khandu kaihhruaina hnuaia AP sorkarin sava leh ramsate humhalh leh venghim tura hma a la chu fakawm a tih thu a sawi.