Manipur CM-in loneitute hnenah khawl a sem

Manipur chief minister N Biren Singh chuan state chhunga loneitute hnenah an mamawh tur khawl leh hmanraw dangte a sem a, artisan 1,500 hnenah chhawmdawlna Rs 10,000 a sem bawk. 

Artisan-te hnena han­di­craft took kits leina tur, Rs 10,000 hi North East Region Textile Promotion Scheme hnuaiah pek an ni a, district hrang hranga loneitute hnenah Agriculture Machineries and Equipment under Sub-Mission of Agriculture Mechanization (SMAM) Scheme hnuaiah khawl leh hmanraw dang sem a ni bawk. 

Agirculture sector pawimawh zia sawiin, CM chuan hei vang hian state sorkar pawhin depart­ment hrang hrangte thawh­puinain agricultural land humhalhna turin hma pawh a la zel a ni, a ti. Handicraft artisan-te hnenah ṭanpuina pek ṭhin pawh nakkum aṭang chuan Rs 20,000 ah tihpun a ni dawn tih a sawi bawk.