HC-in NEIGRIHMS Director leh Cardiology HoD ko

Meghalaya High Court chuan Thawhlehni khan North Eastern Indira Gandhi Regional Institute of Health and Medical Sciences (NEIGRIHMS) Director leh damdawi-ina Cardiology Head of Department-te chu nimina inlan tur khan a ko.

High Court chuan advocate in Public Inte­rest Litigation (PIL) a thehluh, inzai ṭhulh a nih chungchanga resolution siam danah damdawi-in hotu pahnihte hi a ko a, he thu ziah lai hian thuchiang hriat hman a la ni lo thung. Chief Justice Md Yaqoob Mir leh Justice HS Thang­khiew-te kaihhruai bench chuan NEIGRIHMS director Dr. DM Thappa leh Cardiology HoD Dr Animesh Mishra-te chu court-a inlan tur hian an ko a ni.

Thappa leh Mishra-te hi medical item lei chungchangah April 10 aṭang khan an in­hmuthiam lo a ni. PIL thehluhah hian May 5-a Cardiology department-a operation 35 neih tur ṭhulh a ni tih ziahlan a ni. Thawhlehni khan hmarchhak hmun hrang hrang aṭanga kalkhawm damlo 44-te zai tur pawh ṭhulh a ni tih thulakna chuan a tarlang bawk.

NEIGRIHMS buaina chungchangah hian state Health and Family Welfare Minister, AL Hek chuan Thawh­­lehni khan Union Minis­ter of Health and Family Welfare Jagat Prakash Nadda chu inrawlh tur leh buaina chinfelna kawng ngaihtuah sak turin a ngen tih a sawi a ni.