Himanta chuanna convoy WB-ah bei TMC worker-te tihah puh

Assam Health Minister, Himanta Biswa Sarma chuanna convoy chu Thawhlehni tlaiah khan All India Trinamool Congress worker nia puh ten West Bengal-a Kanthi Lok Sabha Constituency hnuaia Khejuri-ah an bei.

Himanta Biswa Sarma chuan a Twitter-ah beih an tawh thu hi tarlangin TMC misualte tih a nih thu leh amah zuitu  mi eng emaw zat chuan hliam an tuar tih a tarlang bawk. Biswa Sarma chuan CRPF-te an thlen hnu pawhin TMC misual nia a sawite chuan an kian duh lo tih a sawi a ni. 

TMC mi leh sa nia sawite hian kawng an dang nia sawi a ni a, BJP worker-te hi an bei zui nia sawi a ni bawk. Sarma chuan a Facebook-ah pawh Bengal BJP State President Dilip Ghosh nen kawnglaiah dan beh an nih thu a sawi. West Bengal police-te chuan engmah tih an tum lo tih a sawi a ni.