Meghalaya-in health insurance scheme atan Rs vbc 256 pe

Meghalaya sorkar chuan Meghalaya Health Insurance Scheme premium atan cheng vaibelchhe 256 chuang a pe tih health minister Al Hek chuan Assembly inkhawmah a sawi. 

Minister chuan sorkarin a  thlan bik hospital-a damlo inenkawl, nuai 2.33 te hnenah health insurance scheme hnuaiah hian an inekawlna man hi kumin February thla thleng khan Rs vbc 165.1 pek a ni tawh tih a sawi. March 1, 2021 thlenga sorkarin premium a pek tawh chu  Rs 256,97,14,558.88 a ni, a ti. 

Kumin March 1 thleng khan he scheme hnuaiah hian an state-a chhungkaw awm zat aṭanga 54.46% vel an in register tawh a ni. Sorkarin he scheme hnuaia inenkawlna man bill theihna tur hian damdawi 172 a thlang chhuak bawk.