Nagaland-in thlai thar thawn chhuah dan buaipui tur committee din

Nagaland sorkar chuan an state-a thlai tharte state pawn lama thawn chhuah dan buaipui turin member pasarih awmna committee a din. 

Committee hi Naga­­­land State Agri­culture Marketing Board (NSAMB) chief executive officer G Inkuto Zhimomi-a'n a ho a; thlai thar thawn chhuah dan tur, a man bithliah dan tur, quality managment, transportation, air cargo leh thil dang pawimawhte kalpui dan tur report siam a, report hi thla khat chhunga thehlut tura tih an ni. 

March 11 khan agriculture leh a kaihhnawih department-te chuan buyer-seller meet an lo buatsaih tawh bawk a, state chhunga thlai thar chhuahte hralhte lei tura ram chhung hmun hrang hranga buyer-te hip luh theih dan turte an sawiho a ni. State sorkar chuan an state-a agri leh horticulture product-te chu 'Naturally Nagaland' brand hnuaiah ram chhung hmun dangah thawnchhuah a tum a ni.