Hmarchhak-in Apache Guardian helicopter hmasa ber chang dawn

Mesa, Arizona, USA-a Boeing hmunpuiah AH-64E (I) – Apache Guardian helicopter lei hmasak ber chu Zirtawpni liam taah khan Indian Air Force kutah hlan fel a ni.

Indian Air Force aiawh Air Marshal AS Butola hnenah Apache helicopter hmasa ber hi hlan a ni a, he hunah hian US sorkar aiawhte pawh an tel bawk. Apache Guardian helicopter hmasa ber zinga squadron khat chu Meghalaya khawpui Shillong-a Eastern Air Command hnuaia Northeast sector kutah hlan a ni dawn nia sawi a ni a, squadron pakhat ve ve Western command leh Eastern Command-ah hian dah a ni dawn nia sawi a ni bawk.

IAF hian US sorkar leh M/s Boeing Ltd te chu September 2015 khan Apache helicopter 22 lei nan hian contract a ziahpui a, heng zinga batch khatna chu kumin July thla hian India rama thawn hman beisei a ni. Hemi atan hian aircrew leh ground crew thlan bikte chuan  Fort Rucker, Alabama-a US Army hmunpuiah training an nei tawh a ni. Heng mite hian IAF Apache helicopter-te hi an enkawl ang.

AH-64E (I) lei belh hi Indian Air Force in an helicopter-te tihchangtlunna kawnga an hmalakna a ni a, hun lo kal zel tura IAF mamawh phuhruk thei turin heng helicopter-te hi thuam a ni. Tlang ramahte pawh an hmantlak dawn hle nia tarlan a ni bawk.