Sikkim-ah Yak 300 chuang rilṭam vangin thi

Sikkim-a Tibetan Yak 300 vel chu vur a tlak nasat avanga ei tur an neih loh vangin rilṭamin an thi tih Inrinni-a report chuan a tarlang.

District Magistrate, North, Raj Yadav pawhin hei hi thudik a nih thu sawi tawhin, Mukuthang, North Sikkim ami te an nih thu an sawi. Report in a tarlan dan chuan heng Yak-te hi December thla aṭang khan Mukuthang hmunah hian thlun an ni a, vur a tlak nasat avangin hmundangah an hruai thei lo a ni. Hemi a nih avang hian an rilṭam tuar loin Yak tam takte hi an thi ta a ni.

Animal Husbandry department-a Medical Team-te leh Yak chaw petu tute chuan Mukuthang hi an thleng tawh nia sawi a ni bawk a, Yak dangte chu damdawi hmanga an enkawl mek thu leh chawte pawh pek an nih thu an tarlang. District thuneitute leh Indo-Tibetan Border Police (ITBP) ṭangkawpte chuan Yak thi zat chiah hre tur hian hma an la a, vawiin hian DC office-ah report an thehluh rin a ni.