AP Dy CM-in state budget pharh
Arunachal Pradesh deputy chief minister, planning and finance ministry changtu ni bawk Chowna Mein chuan Nilaini khan state assembly-ah kum 2020-21 fiscal year state budget, cheng vaibelchhe 731.40 deficit budget a pharh.
Deputy CM chuan fiscal year Budget Estimate pharhin, revenue receipt-ah Rs vbc 20,594.59 leh capital receipt-ah Rs 1,385.71 beisei a ni a, total receipt tura beisei hi Rs vbc 21,980.30 a ni. Chowna Mein chuan state in kawng hrang hranga hmasawnna a hmuh theih nan sorkar chuan capital expenditure pawh a tipung dawn tih a sawi. Argiculture leh a kaihhnawih sector-te chu ngaih pawimawh a nih tur thu sawiin, loneitute sum lakluh a leta tihpun a nih theihna tura hma lak nan Rs vbc 30 dah a ni, a ti.
Healthcare system pawh ṭha zawka kalpui tum a ni tih sawiin, Mein chuan healthcare scheme hman chu chhunzawm a nih bakah, Papum Pare, East Siang leh Tirap district-ahte cancer screening facility dah a ni dawn tih a sawi.
Police force thuam ṭhatna turin Rs vbc 15 ruahman a ni a, anti-narcotic task force dinna turin Rs vbc 2.5, cybercrime cell siamna atan Rs vbc 1, judicial infrastructure chei ṭhatna turin Rs vbc 10 leh, high court building sakna turin Rs vbc 10 dah a ni bawk.
Dy CM-in budget a pharha sum hmanna tur a tarlan ṭhenkhat -
a Loneitute sum lakluh tihpunna tur : Rs vbc 30
a Agri-mechanisation tihchangtlunna tur : Rs vbc 12
a Tea and Rubber plantation siamna tur : Rs vbc 10
a Horticultural crop chinna ram zauhna tur : Rs vbc 60
aChief Minister’s Arogyaa Arunachal Yojana (CMAAY) : Rs vbc 5
a CM Chemotherapy scheme : Rs vbc 6
a Grant in aid to TRIHMS : Rs vbc 40
a Hospital and medical college infrastructure : Rs vbc 40
a GNM School Pashigat ami B.Sc Nursing college-a siamna tur : Rs vbc 3
a Zonal hospital panga tihchangtlunna tur : Rs vbc 24
a Zirlai hmeichhiate puala Health and Hygiene Scheme atan : Rs vbc 3.5
a Changlang leh Yupia-a juvenile home siamna tur : Rs vbc 4
a CM Social Security Scheme : Rs vbc 83
a Tribal Research Institute dinna tur : Rs vbc 40
a District tina tribal cultural centre dinna tur : Rs vbc 4.5
a District tina higher secondary school tihchangtlunna tur : Rs vbc 30
a Inter village school te thuam ṭhatna tur : Rs vbc 20
a School library 100 thuam ṭhatna tur : Rs vbc 10
a Secondary school 100-a sport coach rawihna : Rs vbc 3
a Miao-a sports academy dinna tur : Rs vbc 5
a State highway siamna tur : Rs vbch 20
a PMGSY kawng siamṭhat leh enkawlna : Rs vbc 30
a Arunachal Pradesh Industrial and Investment Policy : Rs vbc 5
a Jal Jeevan Misison hnuaia in tina tui thianghlim
connection pekna tur : Rs vgbc 100