Assam election : Rs vbc 64 hu thil man tawh
Assembly inthlan neihna tur Assam state chhungah Thawhlehni thleng khan vote zawnna atana hman tum thil chi hrang hrang, cheng vaibelchhe 64.84 hu man a ni tawh tih chief electoral offfice chuan a tarlang.
State chhung hmun hrang hranga thil man tawh zingah hian pawisa fai bakah zu, ruihhlo, gold leh silver-te pawh a tel. Pawisa fai man hi cheng vaibelchhe 12.17 a tling tawh a, zu hi cheng vaibelchhe 17.82 hu, gold leh silver cheng vaibelchhe 2.82 hu leh ruihhlo cheng vaibelchhe 27.13 hu an man tawh a ni.
Morigaon DC leh ADC sawn
Election Commission of India (ECI) thurawn angin, Assam sorkar chuan Morigaon deputy commissioner Leena Das leh additional deputy commissioner Debajani Choudhury te a sawn.
Election Commission of India (ECI) thurawn angin, Assam sorkar chuan Morigaon deputy commissioner Leena Das leh additional deputy commissioner Debajani Choudhury te a sawn.
Personnel department chuan DC leh ADC sawnna thupek hi tichhuakin, Marigoan DC atan hian home secretary Seema Rekha Bhuyan leh, additional deputy commissioner atan skill employment and entrepreneurship department secretary Hanif Noorani te chu dah nghal an ni. Order tihchhuahah hian sawn an nihna chhan hi tarlan a ni lo.
ECI thurawn ang bawkin, senior Assam Civil Services (ACS) officer Dipsikha Dey chu a hnaa inthlahdahah puh a nih avangin state sorkar chuan a suspend bawk.
Zirtirtu 17-te voluntary pension-a chhuahtir rawt
Inthlan neih tura duty atana ruat lo tura ngentu, sorkar school-a zirtirtu 17-te chu voluntary pension-a chhuah tir an ni mai thei.
Inthlan neih tura duty atana ruat lo tura ngentu, sorkar school-a zirtirtu 17-te chu voluntary pension-a chhuah tir an ni mai thei.
Nalbari district thuneitute chuan Secondary Education Department hnenah rawtna hi thlenin, zirtirtu 17-te hian an hrisel loh chhuanlamin election duty atana ruat lo turin an ngen tih a sawi. Medical Board of Assembly Elections 2021 pawhin heng zirtirtute hi inthlana duty turin an 'fit' tawk lo tih a sawi bawk.
Hei vang hian Nalbari deputy commissioner chuan rawtna hi thlenin, "Hna thawk chhunzawm zel tur chuan medical fitness hi a pawimawh a ni. Heng zirtirtute hian an hriselna a ṭha tawk lo niin an sawi a, mahse medical leave erawh a la chuang lo. Hei vang hian an hna thawk chhunzawm zel tur hian an fit tawk tawk lo a, voluntary retirement from service (VRS) dil tir mai turin kan rawt a ni," a ti.