Meghalaya-ah mobile internet tinung

Meghalaya sorkar chuan tualchhung buaina thleng vanga Khasi Hills biala mobile internet service a khuahkhirhna chu hlipin, nimin aṭang khan service tihnun leh a ni ta. 

Thawhlehni khan Jaintia Hills-a district pahnihah mobile internet service hi tihnun a lo ni tawh bawk. Shillong khawpui chhung hmun tam zawk­a curfew pawh chhun lamah chuan thlahdul a ni tawh bawk a, mahse zan lamah erawh hman chhunzawm a la ni. Chief minister Conrad Sangma chuan boruak awm dan thlithlai reng a nih thu leh, boruak pawh ṭha chho tawh mah se venthawn thilah zan lam curfew chu puan chhunzawm a la nih rih tur thu a sawi.