Nagaland sorkarin Primary School hawn remti

Nagaland sorkar chuan state chhunga Covid-19 hripui lengin ziaawm lam a pan zel avangin Primary School, Class 1-5 te hawn a remtih thu minister Neibal Kronu chuan a sawi. Mahse hawn ṭan hun tur erawh a la tifel lo. 

Thuneitute chuan theatre, exhibition, gym, cinema hall, sports complex leh vantlang hmun dangte hawn pawh an remti tawh tih minister chuan a sawi. Chief minister Neiphiu Rio kaihhruaia High Powered Committee on Covid-19 meeting chuan he thutlukna hi a siam a, standard operating procedure (SOP) pawh school education deparment leh health and family welfare department-te nena inberawnin siam thar a ni dawn a ni. 

Hripui leng vanga nikum March thla aṭanga zirna inte khar a nih hnuah, Class 6 chunglamte chu kumin February 8 aṭang khan school an kal ṭan tawh a ni.