Manipur-ah Amit Shah zin dawn

Union home minister Amit Shah chu March 15 hian Manipur-ah a zin dawn a, Imphal-a vantlang inkhawmah thu a sawi nghal ang. 

Amit Shah hian Manipur sorkar hotute chu state chhung security dinhmunte a sawipui ang. Manipur-a BJP kaihhruai sorkar chuan kum thum kalta chhunga a hnathawh leh hlawhtlinna a neih hrang hrangte union minister hi lo entir a tum bawk. 

Union minister-in a tlawh dawn vang hian Nilaini khan Manipur Water Resources minister Letpao Haokip chuan department hrang hrang aiawhte chu meeting neihpuiin, an inbuatsaih dan turte a sawipui. Minister chuan official leh engineer-te hnenah Water Resource Department hnuia dam leh multi-purpose project hrang hrang an thawhte tableaux leh miniature model siam turin a chah.