Tripura sorkarin zirlaite smartphone leina tur sem dawn

Tripura education and law minister Ratan Lal Nath chuan state sorkarin zirlai, graduate course zirlaite hnenah smartphone leina tur sum a pe dawn tih a sawi. 

Minister chuan kum 2018 assembly inthlan neih dawna Bharatiya Janata Party (BJP) in a lo tiam tawh angin, council of minister meeting chuan zirlai 14,608 hnenah smartphone leina tura Rs 5,000 ṭheuh pek a rel tih a sawi a ni. 

Nath chuan, "Heng zirlai 14,608 te hi sorkar hnuaia higher education institution hrang hranga medical, para-medical, engineering, science, arts, commerce, law, painting, music leh nursing-a graduate course zirlai an ni," a ti. BJP kaih­hruai state sorkar chuan 2020-2021 academic year aṭang hian zirlaite smart­phone leina tur sum pekna tur hian scheme thar, "Mukhya Mantri Yuba Jogajog Yojana" (Chief Minister Youth Communication Scheme) a siam dawn tih sawiin, hemi atan hian sorkar chuan kumtin cheng vaibelchhe 7.31 a seng dawn a ni, a ti.

 

Tripura-ah hian kum 2018 assembly inthlanah khan a zawna kum 25 zet sorkarna lo siam tawh, Communist Party of India-Marxist kaihhruai Left Front sorkar chu paihthlain, BJP chuan tribal-based party Indigenous People's Front of Tripura (IPFT) nen ṭang­rual sorkar an siam a ni.