Assam sorkarin zirtirtu transfer policy thar pharh dawn

Assam finance minister Himanta Biswa Sarma chuan Assam sorkar chuan sorkar school-a zirtirtute tan transfer policy thar a siam a, hei hi assembly budget session neih mekah pharh a ni dawn tih a sawi. 

Sarma chuan sorkarin dan thar a siam hnuaiah hian, zirtirtute chu hna an zawm ṭanna aṭang chuan kum 10 hmain sawnchhuah a ni lo ang, a ti. Official zinga he dan bawhchhiate chu hremna pek an ni dawn a, kum thum chhung lungin tantir theih a ni ang. 

Minister chuan zirtirtute chu an thawh ṭannaa kum 10 an awm hnuah, an awmna district chhung hmun dangah sawnchhuah theih an ni dawn tih a sawi. Hemi rual hian insawn turte pawh hi serial number leh merit base-a kalpui a ni dawn tih a sawi bawk.