NEIGRIHMS buaina: KSU in director office kalh
North Eastern Indira Gandhi Regional Institute of Health and Medical Sciences(NEIGRIHMS) buaina kal zelah Khasi Students’ Union (KSU) member-te chuan Thawhṭanni khan NEIGRIHMS Director office an kalhsak.
KSU chuan NEIGRIHMS Direc-tor, Dr. DM Thappa chu institution ṭhat zawkna tura a post chhuahsan turin an phut tih an sawi. Thawhṭanni khan damdawi-in director leh Cardiology HoD, Dr. Animesh Mishra inkara buaina chhuak chu duh loin KSU member-te hi NEIGRIHMS Administrative block kawtah an pungkhawm a ni.
KSU president Lambokstar Margar chuan NEIGRIHMS buaina chinfelna turin sorkar chuan director chu an sawnchhuah a ṭul tih sawiin, sorkar laipui chu a rang thei ang bera hma la tura an phut thu a sawi. Lambokstar Margar chuan Dr. Thappa chu damlote tham loah an puh a, 'dictator' ang maia cheah a puh bawk.
Court in Affidavir thehlut turin hriattir
Hetihlai hian Thawhṭanni khan Meghalaya High Court chuan Cardiology Department HoD Animesh Mishra chu affidavit thehlut turin an hriattir a, May 12 zana Mawphlang mi, nu pakhat kum 55 mi thih dan chungchangah affidavit hi thehlut turin a ti a ni.
Hetihlai hian Thawhṭanni khan Meghalaya High Court chuan Cardiology Department HoD Animesh Mishra chu affidavit thehlut turin an hriattir a, May 12 zana Mawphlang mi, nu pakhat kum 55 mi thih dan chungchangah affidavit hi thehlut turin a ti a ni.
Court chuan nunna chan an awm chu thil thleng tur a ni lo tih sawiin, buaina chinfelna turin leh zai ngai ngawih ngawihte chu zai an nih theihna turin hmalakna a awm lo tih a sawi a, hemi avang hian nunna chan an awm phah tih a sawi bawk. Court chuan Cardiology HoD chu affidavit dang, Additional Chief Secretary kaihhruaina hnuaia High Level Meeting-a thutlukna an siam leh siam loh tarlanna thehlut turin a ti bawk a ni.
Dr. Animesh Mishra chuan court hnenah hian mi 19 zai hmabak an awm tih a hrilh a, inzaina hi buatsaih nghal a nih theih nan Thawhṭanni aṭang khan an mamawhte an neih a ṭul thu a sawi. Court chuan naktuk hian city lawyer, SP Mahanta-a PIL thehluh ngaihtuah tur a nih thu a tarlang bawk.
Buaina bulṭanna
April 10 khan Cardiology department hian private pharmacy aṭangin an mamawhte an lei a, hei hi damdawi-in director hian lo mansak in Health Ministry thupek an bawhchhia tih a sawi. Health Ministry chuan Amrit Pharmacy aṭang chiahin an mamawhte hi lam turin an ti tih DM Thappa chuan a sawi a ni. Hemi hnu hian director leh Cardio HoD inkarah hian inhriatthiam lohna a awm chhunzawm a, damlo eng emaw zatin an tawrh phah bakah, nunna hial chan an awm phah ta a ni.
April 10 khan Cardiology department hian private pharmacy aṭangin an mamawhte an lei a, hei hi damdawi-in director hian lo mansak in Health Ministry thupek an bawhchhia tih a sawi. Health Ministry chuan Amrit Pharmacy aṭang chiahin an mamawhte hi lam turin an ti tih DM Thappa chuan a sawi a ni. Hemi hnu hian director leh Cardio HoD inkarah hian inhriatthiam lohna a awm chhunzawm a, damlo eng emaw zatin an tawrh phah bakah, nunna hial chan an awm phah ta a ni.