Thli tleh leh ṭek tla vangin mi 23 thi
Assam State Disaster Management Authority (ASDMA) chuan Thawhlehni khan thuchhuah siamin, tunhnai kar rei lote chhungin thlipui tleh leh ṭek tla vangin mi 23 an thi tih a tarlang.
Heng khuarel chhiatna thleng hian an state chhunga chhungkaw 22,801 a nghawng tih a sawi bawk. Thlipui tleh vanga nunna chan hi 10 an awm tih sawiin, ṭek in a denhlum hi case 13 an chhinchhiah tih a sawi bawk a ni.
Thllipui leh ṭek tla vanga harsatna thleng hi district 18 in an tuar a, Golaghat, Sivasagar, Dhubri, Sontipur leh Cachar-te chu a tuar na zual district an ni tih an sawi bawk.
State sorkar chuan Deputy Commissioner (DC) zawng zawngte chu heng khuarel chhiatna thleng vanga nunna chante hnenah hian darkar 48 chhungin zángandawmna cheng nuai li ṭheuh pe turin a ti. Thlipui tuar district-a thuneitute chu a ṭul anga chak taka hma la turin a ti bawk a ni.