Nagaland-a state-of-the-art Food laboratory hmasa ber hawng

Nagaland-a state-of-the-art Food laboratory hmasa ber chu Thawhlehni khan state khawpui Kohima-a State Public Health Laboratory-ah hawn a ni.

Principal Secretary leh Health and Family Welfare Department-a  Comissioner of Food Safety  ni bawk I. Himato Zhimomi chuan Food laboratory hi a hawng a ni. State Food Laboratory hi level-2 a tihchangtlun a ni a, hei hi hmarchhaka level-2 Food Lab hmasa ber nia sawi a ni bawk.

I. Himato Zhimomi chuan Food Laboratory-a hmanrua an dahte chu hmanraw changkang ber ber leh chhuak thar ber berte an nih thu sawiin, mipui a tam thei ang berin an chhawr ṭangkai theih nana hman an tum thu a sawi. Khawlaia eitur zuar ṭhinte leh chaw siam lam hawi entreprenuer-te pawh an laboratory chu hmang ṭangkai tura chahin, mipuite hnena eitur an zawrh hmain laboratory-ah chuan enfiah tir hmasa phawt turin a chah. 

Himato Zhimomi chuan chaw thianghlimna lam ngaipawimawh lote chuan hremna an hmu dawn tih sawiin, hun rei tak chhung mipuiin chaw hrisel leh thianghlim pawimawhna an hre lo tih a sawi bawk. State Public Health Laboratory chuan thawktu lam nei tlem hle mah se hna hautak tak an thawk tih sawiin, officer leh staff-te chuan rim taka thawkin State Food Laboratory pawimawhna in­hriattirna kawngah hna pawi­mawh tak an thawk tih a sawi.

Principal Director leh Addi­tional Commissioner Food Safety ni bawk, Dr Vikeyie Losu chuan an department in laboratory chang­kang tak an nei thei chu thil chhuanawm tak a ni tih sawi­in, state ṭhenawmte pawhin an la neih ve loh ang an nei chu chhuan­awm a tih thu a sawi a ni.