National Commission for ST-in CAB do dawn

National Commission for Schedule Tribe chairman, Nand Kumar chuan pawnlam miten hmarchhak-a inbengbela khua leh tui nihna an neihna tur reng reng chu an dodal dawn tih a sawi.

Bharatiya Janata Party (BJP) kaihhruai National Democratic Alliance (NDA)-ten  Afghanistan, Bangladesh leh Pakistan aṭanga raltlan- Hindu, Sikh, Buddhist, Jain, Parsis leh Kristianten khua leh tui nihna an neih theihna tur  Citizenship Amendment Bill pawm an tum a dodal thu a sawinaah Nand Kumar chuan he thu hi a sawi a ni.

Nilaini khan Nand Kumar hian Meghalaya Chief Minister Conrad K Sangma meeting a neihpui a, hemi zawh hnua chanchin thar lakhawmtute a kawmnaah CAB a ni emaw, dan dang emaw pawh ni se pawnlam mi hmarchhaka an inbenbelna tur dan reng reng chu an pawm dawn lo tih a sawi. Hmarchhak chu tribal mite ram a ni tih sawiin, Commission chuan sorkar laipuiin hmarchhaka tribal chengte tana harsatna siam thei eng dan pawh siam a tum a nih chuan an dodal zel dawn tih a sawi.

Commission chuan pawn lam mi hmarchhaka an inbenbel lohna turin hma an la dawn tih a sawi a, district council-ten thuneihna lian zawk an neih theihna turin sorkar laipui hnenah ngenna an siam dawn tih a sawi. Kumar chuan Khasi, Garo leh Jaintia ṭawngte eight schedule of the Constitution-a telh a ni theihna turin hma an la dawn tih a sawi bawk a ni.