Assam: Kum 29 hnuah AFSPA sut dawn

Kumin August thla hian Assam-a Armed Forces (Special Powers) Act hman mek chu hlih a ni dawn. Kum 29 zet hnuah AFSPA hi hlih a ni dawn ta a ni.

November 27, 1990 khan Assam-ah hian helna a nasat avangin state pumah AFSPA hi puan a ni a, Assam pum chu rambuaia puan a ni. Kum a liam zel a, district hrang hrangah AFSPA hi an hlip zel a, mahse tunah hian district ṭhenkhatah chuan la hman chhunzawm zel a ni thung.

Sorkar laipui pawhin Army-te chu Assam an chhuahsan dan tur rua­hmanna siam fel turin an hriattir tawh bawk. Nikum September thla khan sorkar laipui leh Assam sorkar aiawhte hian AFSPA pawhsei emaw hlih emaw tur chungchangah inbiakna an nei a ni. State sorkar hian National Register of Citizens (NRC) kalpui mek a nih avangin ṭum hnih AFSPA hi an pawtsei tawh a ni.