Assam-Meghalaya ramri buaina: May 23-ah CM pahnih inbe dawn
Meghalaya Deputy Chief Minister Prestone Tynsong chuan Ningani khan Assam Chief Minister Sarbananda Sonowal leh Meghalaya Chief Minister Conrad K. Sangma-te chuan May 23 hian ramri buaina chungchangah meeting an nei dawn tih a sawi.
Cabinet meeting an neih zawh hnua chanchin thar lakhawmtuten an kawmnaah Prestone Tynsong chuan May 23-a meeting an neih tur hi a thawh khatna tur a nih thu sawiin, June-ah a thawh hnihna atan meeting an nei leh dawn tih a sawi bawk. Tynsong chuan meeting-ah hian state pahnihin ramri chungchanga buaina an neih chungchang an sawi ber dawn tih a sawi a, tunhnaia Ri-Bhoi district-a Balakhawa thingtlang khuaa buaina chhuak chungchang pawh an sawi dawn tih a sawi a ni.
Meghalaya Dy. CM chuan chief minister pahnihte inbiakna chuan rah ṭha tak a chhuah ngei a beisei tih sawiin dinhmun pangngaia inrem taka din leh ringawt ni lo thildang ṭha zawk a hrinchhuah a beisei tih a sawi. Ramri buaina chungchanga Congress in zawhna an siam chu na taka chhanglet zuiin Congress sorkar hunlai khan Assam leh Meghalaya-ah Congress in sorkarna siam ve ve mah se ramri buaina chu an chingfel thei lo tih a sawi a ni. Midang puhmawh chu a dik lo tih sawiin Congress chuan an hun kal tawh an thlir a ṭul tih a sawi a, kum 15 sorkarna an siam chhungin ramri buaina chu an chingfel lo tih a sawi bawk.
Assam sorkarin Balkhawa-a PMGSY road project an kalpui chunchang pawh sawichhuakin, Hima Nongspung chuan Assam sorkar hnenah PMGSY road project Meghalaya state china kalpui an tum chungchangah nikum khan NOC an pe tawh tih a sawi.
PMGSY chu sorkar laipui project a ni tih sawiin, Assam sorkar emaw Meghalaya sorkar emawin kalpui pawh nise buaina tur a awm lo tih a sawi. Project in a tum ber chu state pahnih inrina khuaa hmasawnna thlen a ni tih a sawi bawk a ni. Assam leh Meghalaya hian area 12-ah ramria intihbuaina an nei a, ṭum eng emaw zat inbiakna nei tawh mah se buaina chinfelna tur thutlukna mumal an la siam thei lo a ni.
PMGSY chu sorkar laipui project a ni tih sawiin, Assam sorkar emaw Meghalaya sorkar emawin kalpui pawh nise buaina tur a awm lo tih a sawi. Project in a tum ber chu state pahnih inrina khuaa hmasawnna thlen a ni tih a sawi bawk a ni. Assam leh Meghalaya hian area 12-ah ramria intihbuaina an nei a, ṭum eng emaw zat inbiakna nei tawh mah se buaina chinfelna tur thutlukna mumal an la siam thei lo a ni.