AP sorkar-in DA 3% in a tipung

Arunachal Pradesh sorkar chuan Nilaini khan Dearness Allowances (DA) 3%-a tihpun a nih thu a tarlang.

DA tihpun hi January 1, 2019-a hman ṭan anga chhut tur a nih thu tarlan a ni a, state chhunga sorkar hnathawk 50,000-te chuan a hlawkna hi an tel dawn a ni. DA hi 12% a ni tawh dawn tih state development commissioner Bilatee Pertin chuan thuchhuah a siamah a tarlang a ni.

DA thar hian sorkar hnathawk nghette chiah a huam dawn thung a ni. June 1-a hlawh an lak aṭangin DA punna hi an dawng tawh dawn tih tarlan a ni bawk.