Tripura CM-in Amit Shah beihna dem

Tripura Chief Minister Biplab Kumar Deb chuan Kolkata-a BJP President Amit Shah-an road show a neih laia beih a tawk chu a dem tih a sawi.

CM Biplab Kumar Deb chuan a twitter-ah Amit Shah beitute chu TMS goons-te an ni tih sawiin, TMC goons-ten Amit Shah-a road show nei lai an bei chu a dem tih sawiin, democracy beihna a ni tih a sawi a ni.

Mamata Banerjee-in chak loh a hlauhzia lantirna a ni tih sawiin Mamata-i party chu Bengal-ah a tlachhe mek a, mi tam zawkin PM Narendra Modi an thlawp mek zel tih lanna a ni tih a sawi bawk.

Thawhlehni khan Kolkata-a Amit Shah-a road show neihnaah Trinamool Congress leh Bharatiya Janata Party an intibuai a ni.