Assam election 2021 : Inthlan thawh khatnaa candidate 16%-in criminal case nei
Assam assembly inthlan thawh khatna, March 27-a neih tura candidate zingah thubuai, criminal case nei 16% an awm.
Poll rights group Association for Democratic Reforms (ADR) leh Assam Election Watch chuan inthlan thawh khatna atana candidate 264 zingah 259-te affidavit thehluh an zirchiang a, an zinga 41 (16%) chuan criminal case neiin, heng zinga 34 (13%) chu serious criminal case nei an ni a, an zinga panga chu hmeichhe laka pawikhawihna thubuai nei niin, pawngsual kaihhnawih thubuai nei lai pakhat a awm bawk. Tualthah kaihhnawih thubuai nei pahnih awmin, tualthah tuma inpuhna thubuai nei mi pali an awm bawk a ni.
Report chuan candidate thlanna kawnga Supreme Court kaihhruaina siamte chu political party ho zingah awmzia a nei lo nia sawiin, an tihdan hlui ang bawkin candidate te hi an siam leh tho a, criminal case nei lai 16% zetin candidate hi an chang leh a ni, a ti.
Candidate 259 zingah hian mi hausa tawntaw, crorepati 101 (39%) an awm. Inthlan thawh khatnaa candidate-te thil neih hi chawhrualin mi pakhatin cheng vaibelchhe 1.84 hu nei ang a ni.
Candidate 259 zingah hian mi hausa tawntaw, crorepati 101 (39%) an awm. Inthlan thawh khatnaa candidate-te thil neih hi chawhrualin mi pakhatin cheng vaibelchhe 1.84 hu nei ang a ni.
Zirna lamah candidate zinga 97 (375) chu Class 5 - 12 inkar an ni a, 157 (61%) chu graduate leh a chung lam an ni thung. Candidate pali chu diploma holder niin, candidate pakhat chuan ziak leh chhiar thiam tih chauhin a inziak thung. Candidate 259 te zingah 67 (265) chu kum 25-40 inkar an ni a 153 (59%) chu kum 41-60 inkar an ni. Kum 61-70 inkar mi 38 (15%) awmin, candidate pakhat chu kum 85 a ni.
Inthlan thawh khatnaa candidate tur zingah hian hmeichhia 25 (10%) an awm bawk. Postal ballot hmangin vote thlak ṭan tir Inthlan neihna atan Nilaini aṭang khan rualbanlo Persons with Disabilities (PwD), Covid-19 hri kai leh kum 80 chung lamte chu postal ballot hmanga vote thlak tir ṭan an ni.
Poll official chuan Election Commission-in he system hi category ṭhenkhat tan a siam thar tih sawiin, postal ballot hi ni eng emaw chen neih chhunzawm zel a ni dawn tih a sawi. Election Commission chuan postal ballot hmanga vote thlak phalsak caterogy-a awmte hian, inthlan nia vote thlak kher lo a, postal hmanga an thlak duh zawk a nih chuan an dil theih tur thu a lo sawi tawh a ni.