TTAADC inthlan turah candidate 157 awm

Tripura Tribal Areas Autonomous District Council (TTAADC) inthlan neih tura chuh tuma nomination paper thehlut zinga 24 te an inhnuhdawh leh avangin, candidate hi 157 an awm dawn ta tih state election commission official chuan a sawi. 

Nilaini kha inhnuhdawk duhte tana hun tawp a ni a, hemi ni hian candidate 24 in an nomination paper hi an hnukdawk leh a, a tam zawk chu independent an ni. 

Seat 28 awmn, TTAADC inthlan hi April 6 hian neih a ni dawn a, Congress chuan seat zawng zawngah candidate siamin, CPI(M) hi candidate 25, BJP hian candidate 14 siamin a thawhpui IPFT in candidate 17 a nei thung, party pahnih thawkdunte hian seat pathumah erawh candidate hran ve ve an siam thung. Independent candidate hi 38 an awm bawk.