Sikkim-ah zan lam curfew puang

Sikkim sorkar chuan hripui leng avangin zan dar 10 hnu lamah curfew a puang a, restaurant, bar, disco, pub, gym leh vantlang hmun dangte hawn phal a ni lo. Motor pawh zan dar 10:30 hnu lamah tlanchhuah khap a ni bawk. 

Nilainia prime minister Narendra Modi hoa state chief minister-te'n meeting an neihah tun hnaia ram chhunga Covid-19 hri kai an pun chhoh leh dan chungchangte an sawi a ni. 

Meeting zawh hnuah chief minister Prem Singh Golayt chuan hri darh tur laka invenna atan zan lam curfew puan a nih thu hi a sawi a, mipuite chu Covid-19 hri laka invenna tur ruahmanna siamte zawm ṭha tura chahin, mask vuah leh social distancing te ngaih pawimawh chhunzawm zel turin a chah.