Hri leng thawh hnihna thleng tur atan Meghalaya a lo inbuatsaih - CM Sangma

Meghalaya chief minister Conrad K Sangma chuan ram chhung hmun tam takah Covid-19 hri leng thawh hnihna a thlen mek thu sawiin, an state pawh hemi atan hian an lo inbuatsaih lawk thu a sawi. 

CM chuan hri leng thawh hnihna thleng thei laka an inbuatsaihna chu nikuma lam aia a ṭhat zawk thu a sawi bawk. Sangma chuan, "Hri leng thawh hnihna lo thleng tur lakah sorkar chu theihtawpin a lo inbuatsaih lawk a, mahse eng ang takin nge a rawn thawh dawn erawh tumahin an hre bik lo a ni. Ram tam takah pawh an rin lo dan takin hri leng hi a  thleng nawn leh hlawm a ni," a ti. 

Hri leng laka invenna tura kaihhruaina siamte chu zawm ṭhat zel a pawimawh thu CM chuan a sawi a, mipuite chu inthlahdah lo a, sorkar dan siamte zawm chhunzawm zel turin a ngen nghal bawk.