Tripura Assembly budget session nei ṭan

Tripura Assembly budget session chu nimin aṭang khan neih ṭan a ni a, session hi ni nga chhung neih a ni ang. 

Session ṭan ni hian Governor Ramesh Baish chuan thu a sawi a, hemi hnu hian finance ministry changtu, deputy chief miniser Jishnu Dev Varma chuan state budget 2021-22 a pharh nghal a ni. 

March 23 leh 24-ahte budget chungchang hi sawiho a ni dawn a, March 25-ah Governor thusawi chu sawiho a ni bawk ang. Sesson chhung hian bill pakua pharh tum a ni bawk. 

Nikuma budget session neih ṭum khan Covid-19 hri leng avangin Question Hour neih a ni lo a, mahse kuminah erawh chuan neih a ni dawn tih assembly official chuan a sawi. 

State sorkar chuan February thla khan state budget siam tur chungchangah mipuite chu rawtna an neihte thehlut tura sawmin, rawtna thehluhna tur WhatsApp number te a lo tarlang tawh a ni.