Meghalaya stateday vawi 50-na lawmnaah PM sawm
Meghalaya chief minister Conrad K Sangma chuan nakkum January 21-a an statehood day vawi 50-na lawmna neih tura telpui turin prime minister Narendra Modi an sawm tih a sawi.
Kum 1970 April thla khan Assam aṭangin Meghalaya hi autonomous state-ah siam a ni a, kum 1972 January thla khan state puitlingah hlankai a ni. CM Sangma chuan PM Modi hi state day lawmnaa telpui tura a sawm thu leh, Prime Minister Office lam nen an sawidun mek thu a sawi.
Sangma chuan Constitution 8the Schedule-a Khasi leh Garo ṭawng telh tura an phut chungchang pawh sawiin, an state nih champha vawi 50-naah chuan telh hman an nih ngei a beisei tih a sawi bawk. Khasi leh Garo ṭawngte 8th Schedule-a telh phut chungchang resolution hi kum 2018 November thla khan Meghalaya Assembly chuan a lo pass tawh a ni.