AASU-in CAA duh lohna lantir

All Assam Students Union (AASU) chuan state assembly inthlan tura an inbuatsaih mek laiin, kar liam ta Inrinni khan Tinsukia district-a Chabua-ah Citizenship Amendment Act (CAA) duh lohna lantirin sit-in protest an huaihawt. 

Chabua hi kum 2019-a Assam-a CAA dodalna lantirna hmunpui pakhat kha a ni. AASU chuan CAA sut tura sorkar laipui an phutna lantira state pum huapa motorcycle rally neih an tum chu police-ten phalna an pe duh lo tih sawiin, hei vang hian sit-in protest hi an huaihawt ta tih an sawi. Police-te hian nawrh huaihawtnaa an audio leh mic system an chhawpte chu an laksak niin AASU Chabua unit general secretary Pranab Dutta chuan a sawi.  

Dutta chuan, "Prime minister Narendra Modi-in Assam mipuite a phatsan a ni. Dawt min hrilhin, CAA chu tihluihna hmangin min hmantir a ni," a ti.