Assam-ah CAA kan hmang ang : state BJP chief Kum 2022-ah ṭhalai nuai khat hnenah hna pek tiam
Assam state BJP chief Ranjeet Kumar Dass chuan an party-in Assam-ah Citizenship Amendment Act (CAA) an hman thuai tur thu a sawi.
Dass chuan Assam inthlan neih tur atan campaign ngawrh taka neih chhoh mek a nih thu sawiin, "CAA hi Parliament-ah pass a nih hnuah Assam-ah dodalna nasa tak a awm avangin BJP hruaitu lute pawhin hemi chungchang hi an sawilang duh lo a ni," a ti. Mahse Parliament-a pass a nih tawh avangin an thlawp zel dawn tih a sawi a, "Assam-a sorkarna kan siam leh hunah CAA hi a takin kan kalpui ngei ang. Inthlan dawn a nih avangin hemi chungchangah hian kan dinna kan sut dawn chuang lo a ni," a ti.
Assembly inthlan lo awm turah CAA chu an buaipui ber a ni lo tih sawiin, state mipuite pawhin BJP in sorkarna a chelh chhung chuan dan loin state-ah tumah luh an remti dawn lo tih an hrechiang a ni, tiin Dass chuan a sawi.
Ṭhalai nuai khat hnenah hna pek tiam
Assam finance minister, Himanta Biswa Sarma chuan Bihpuria-a election rally-a thu a sawiah, BJP in sorkarna an chang leh a nih chuan kum 2022, March 31-ah ṭhalai nuai khat tan sorkar hna pek a tiam.
Sarma chuan ṭhalaite tana sorkar hna pek tiam chungchangah mawhphurhna a lak ngam thu sawiin, "Thamna emaw engmah an pek a ngai lo. Congress sorkar lai khan thamna cheng vaibelchhe khat te an pe chung pawhin sorkar hna hi an hmu thei lo. Mahse tunah chuan rickshaw puller fapa pawh Assam Civil Service te an ni thei tawh a ni," tiin a sawi.
Dass chuan Assam inthlan neih tur atan campaign ngawrh taka neih chhoh mek a nih thu sawiin, "CAA hi Parliament-ah pass a nih hnuah Assam-ah dodalna nasa tak a awm avangin BJP hruaitu lute pawhin hemi chungchang hi an sawilang duh lo a ni," a ti. Mahse Parliament-a pass a nih tawh avangin an thlawp zel dawn tih a sawi a, "Assam-a sorkarna kan siam leh hunah CAA hi a takin kan kalpui ngei ang. Inthlan dawn a nih avangin hemi chungchangah hian kan dinna kan sut dawn chuang lo a ni," a ti.
Assembly inthlan lo awm turah CAA chu an buaipui ber a ni lo tih sawiin, state mipuite pawhin BJP in sorkarna a chelh chhung chuan dan loin state-ah tumah luh an remti dawn lo tih an hrechiang a ni, tiin Dass chuan a sawi.
Ṭhalai nuai khat hnenah hna pek tiam
Assam finance minister, Himanta Biswa Sarma chuan Bihpuria-a election rally-a thu a sawiah, BJP in sorkarna an chang leh a nih chuan kum 2022, March 31-ah ṭhalai nuai khat tan sorkar hna pek a tiam.
Sarma chuan ṭhalaite tana sorkar hna pek tiam chungchangah mawhphurhna a lak ngam thu sawiin, "Thamna emaw engmah an pek a ngai lo. Congress sorkar lai khan thamna cheng vaibelchhe khat te an pe chung pawhin sorkar hna hi an hmu thei lo. Mahse tunah chuan rickshaw puller fapa pawh Assam Civil Service te an ni thei tawh a ni," tiin a sawi.