CPI(M)-in Mahajoot thlawp turin Assam mipuite ngen
CPI(M) chuan Assam state mipuite hnenah assembly inthlan an neih turah eptu ṭangrual pawl, Mahajoot chu thlawp vek turin a ngen.
Party secretary Deben Bhattacharya chuan Hedayetpur-a an party office-a press conference a neihah, "BJP duh lotu political party zawng zawngte chu inlungrual vek turin kan ngen a ni. Ṭangrual pawl hi Congress kaihhruaihna hnuaiah din a ni a, eptu party te vote a darh loh a, BJP paihthlak an nih theihna tura din a ni," a ti.
BJP chuan Assam mipuite hnenah thutiam der tam tak a lo tiam tawh thu Bhattacharya chuan a sawi a, "BJP sorkar hnuaiah petrol leh diesel man bakah, nitin mamawh man thlengin a sang tual tual a ni. Covid-19 hripui leng vanga mipuiten sum lama harsatna nasa tak an tawhte sutkian sak tumin BJP sorkar chuan hma a la bawk hek lo," a ti.
Assam mipuite duhdan kalhin, an rilru tina turin BJP chuan CAA a siam a, hei hi kalpui ngei an tum bawk a ni, tiin CPI(M) hruaitu chuan a sawi.
Assembly inthlan neih turah Congress party hian Left party pathum - CPI(M), CPI leh CPI(ML) bakah All India United Democratic Front (AIUDF), Anchalik Gana Morcha, Bodoland People's Front (BPF), Rashtriya Janata Dal (RJD) leh community based party pahnih Jimochayan (Deori) People's Party (JDPP) leh Adivasi National Party (ANP)-te thawhpuiin, ṭangrual pawl "Mahajot" (grand alliance) an din a ni.
Party secretary Deben Bhattacharya chuan Hedayetpur-a an party office-a press conference a neihah, "BJP duh lotu political party zawng zawngte chu inlungrual vek turin kan ngen a ni. Ṭangrual pawl hi Congress kaihhruaihna hnuaiah din a ni a, eptu party te vote a darh loh a, BJP paihthlak an nih theihna tura din a ni," a ti.
BJP chuan Assam mipuite hnenah thutiam der tam tak a lo tiam tawh thu Bhattacharya chuan a sawi a, "BJP sorkar hnuaiah petrol leh diesel man bakah, nitin mamawh man thlengin a sang tual tual a ni. Covid-19 hripui leng vanga mipuiten sum lama harsatna nasa tak an tawhte sutkian sak tumin BJP sorkar chuan hma a la bawk hek lo," a ti.
Assam mipuite duhdan kalhin, an rilru tina turin BJP chuan CAA a siam a, hei hi kalpui ngei an tum bawk a ni, tiin CPI(M) hruaitu chuan a sawi.
Assembly inthlan neih turah Congress party hian Left party pathum - CPI(M), CPI leh CPI(ML) bakah All India United Democratic Front (AIUDF), Anchalik Gana Morcha, Bodoland People's Front (BPF), Rashtriya Janata Dal (RJD) leh community based party pahnih Jimochayan (Deori) People's Party (JDPP) leh Adivasi National Party (ANP)-te thawhpuiin, ṭangrual pawl "Mahajot" (grand alliance) an din a ni.