Tripura budget-ah education sector tan dah hnem ber
Tripura state budget 2021-22 pharh takah edcuation tan sum dah hnem berin, cheng vaibelchhe 4,152.62 dah a ni.
Finance minister leh deputy chief minister Jishnu Dev Varma chuan kar liam ta khan tax-free budget, cheng vaibelchhe 22,724.50 a pharh a, kum hmasa lam aia budget punna hi 118.09% a tling. Fiscal deficit hi Rs vbc 773.43 a ni.
Budget-ah tourism sector tan Rs vbc 15.50 dah a ni a, budget hmasaah khan Rs vbc 7.14 dah niin, a punna hi 217.09% a tling. Information and Technology (IT) sector tana sum dah pawh 197.94% in a pung a, agriculture sector tana sum dah chu 140.91% a pungin, health sector-ah sum dah chu budget hmasa aiin 136.55% in a pung bawk.
Education sector tana sum dah hi tam ber mah se, budget hmasa aiin a punna hi a hniam ber thung. Budget hmasaah khan Rs vcb 3,810,.96 dah a ni.
Budget aṭang hian 30.78% chu sorkar hnathawkte hlawh atan hman a ni dawn a, 13.91% chu pension leh retirement benefits dangah hman a ni bawk ang. 3.02% chu loan rulhna atan hman a ni dawn a, centrally sponsored scheme kalpuina atan 20.68% hman a ni bawk ang.
Scheme thar, Swanirbhar Parivar Yojana chu Atmanirbhar Tripura project hnuaiah siam a ni a, Agartala-a National Law University din rawt niin, Pushpabanta Palace chu National Modern Art Gallery atan siam rawt a ni bawk.
Chief Minister model village scheme, School of Excellence din, cancer Mumbai-a Khargar-ah Tripura Bhawan sak, department tin tan building hran ṭheuh sak, police headquarters thar sak leh indigenous tribal community chief ṭheuh hnenah thla tin Rs 2,000 pek tum a nih thute chu budget tharah hian tarlan a ni.
Finance minister leh deputy chief minister Jishnu Dev Varma chuan kar liam ta khan tax-free budget, cheng vaibelchhe 22,724.50 a pharh a, kum hmasa lam aia budget punna hi 118.09% a tling. Fiscal deficit hi Rs vbc 773.43 a ni.
Budget-ah tourism sector tan Rs vbc 15.50 dah a ni a, budget hmasaah khan Rs vbc 7.14 dah niin, a punna hi 217.09% a tling. Information and Technology (IT) sector tana sum dah pawh 197.94% in a pung a, agriculture sector tana sum dah chu 140.91% a pungin, health sector-ah sum dah chu budget hmasa aiin 136.55% in a pung bawk.
Education sector tana sum dah hi tam ber mah se, budget hmasa aiin a punna hi a hniam ber thung. Budget hmasaah khan Rs vcb 3,810,.96 dah a ni.
Budget aṭang hian 30.78% chu sorkar hnathawkte hlawh atan hman a ni dawn a, 13.91% chu pension leh retirement benefits dangah hman a ni bawk ang. 3.02% chu loan rulhna atan hman a ni dawn a, centrally sponsored scheme kalpuina atan 20.68% hman a ni bawk ang.
Scheme thar, Swanirbhar Parivar Yojana chu Atmanirbhar Tripura project hnuaiah siam a ni a, Agartala-a National Law University din rawt niin, Pushpabanta Palace chu National Modern Art Gallery atan siam rawt a ni bawk.
Chief Minister model village scheme, School of Excellence din, cancer Mumbai-a Khargar-ah Tripura Bhawan sak, department tin tan building hran ṭheuh sak, police headquarters thar sak leh indigenous tribal community chief ṭheuh hnenah thla tin Rs 2,000 pek tum a nih thute chu budget tharah hian tarlan a ni.