Manipur-ah uranium man a ni Meghalaya aṭanga lakluh a nih an ring
Meghalaya-a Khasi Student's Union (KSU) South West Khasi Hills chuan Pathianni khan thuchhuah siamin kar liamtaa Manipur-a Moreh khuaa uranium chhar chu Meghalaya aṭanga lakchhuah a nih an rin thu an tarlang. KSU SWKH president, Forward Nongrem chuan Uranium Corporation of India Limited (UCIL) leh Atomic Mineral Departement (AMD)-te chuan dan loin a rukin uranium chu an thawnchhuak ngei a nih an rin thu an sawi. Manipur-a uranium an manah hian -“Explosive No. 337/99% Proven 425. Volt 2014”, “Govt. use only not for sale powder 99 percentrened”, of Department of Atomic Mineral (AMD), Director of Atomic Explosion Research Centre North East Region, Shillong - tih a inziak tih tarlan a ni.Nongrem chuan uranium man chu mak an tih loh thu sawiin nikum lawkah pawh khan AMD leh UCIL-te hian private company hnenah Mawthabah, South West Khasi Hills-a uranium lakchhuahna contract an pe tih a sawi.