AP MLA Tirong Aboh-a helten an that A chhungte dang pasarih that bawk

Arunachal Pradesh MLA Tirong Aboh-a chuanna convoy chu nimin khan helte'n beiin Tirong hi an that. Tirong bakah hian midang 10 vel an that tel nia tarlan a ni a, thi zingah hian Tirong-a chhungte dang pasarih an tel nia sawi a ni bawk.Police-te chuan pawi­khawihna thlen hun hi chawhma dar 11:30 vel a nih thu an sawi a, Na­tional People’s Party MLA Tirong Aboh leh amah zuitute hi Arunachal chhim chhak lam Khonsa aṭanga km 25 vela hlaa awm Bogapani-ah National Socialist Council of Nagaland (NSCN) hel nia hriatten an bei tih an sawi. Tirong Aboh hi Khonsa West assembly seat-a NPP MLA a ni a, he thu ziah lai hian Tiral police superintendent office official chuan thuchiang an la nghah mek thu a sawi a ni. Thi zingah hian Tirong-a fapa pawh a tel tih an sawi bawk.NPP President in an MLA thah a dem NPP president leh Meghalaya Chief Minister ni bawk Conrad Sangma chuan an MLA leh a chhungte thihna chuan a ṭhawng hle tih a twitter-ah a tarlang nghal.Conrad Sangma chuan Tirong thah a ni chu a dem thu a sawi a, hemi chungchang thuah hian Prime Minister Office leh Union Home Minister Rajnath Singh-te pawh inrawlh ngei tura a beisei thu a sawi.AP CM leh MP-te thukhawchangArunachal Pradesh Chief Minister Pema Khandu pawhin a twitter-ah Khonsa MLA Tirong-a thihna chuan a ṭhawng hle tih a tarlang ve nghal bawk a, pawikhawitute chu zawngchhuakin hremna na tak an pek ngei dawn thu a tarlang a ni.Arunachal MP leh Minister of State for Home Affairs Kiren Rijiju pawhin pawikhawitute lakah hremna na thei ang ber an lekkhawh dawn tih sawiin, MLA thihna chuan a ṭhawng takzet tih a twitter-ah a tarlang ve nghal bawk a ni.