China-in India hnenah Brahmaputra hydrological data pe

China chuan kumin fur chhung atana Brahmaputra lui hydrological data chu India hnenah a pe ṭan niin Water Resources Ministry official chuan an sawi. June 1 aṭang hian Sutlej lui data pawh a hrilh leh an beisei thu a sawi bawk a ni.Brahmaputra lui hi China-a Tibet aṭanga luang ṭan niin Arunachal Pradesh leh Assam a luang tlang a, Bangladesh ramah luang lutin Bay of Bengal tuipuiah a luang lut leh a ni. Sutlej pawh hi Tibet-a hnar nei tho a ni a, India luang tlangin Pakistan-ah a luang lut thung.China hian hydrological station pathum – Nugesha, Yang­cun leh Nuxia aṭangtein India hnenah hian data hi an pe a, heng station-te hi Brahmaputra lui luan tamna ber laia awm an ni.Kum 2017-a Dokalam-a India leh China an inep avang khan China hian India hnenah hian Brahmaputra lui data hi rei tak a pe duh lo a, hydrological data lakna hi tuilianin a lenbo angin an sawi a ni. Mahse ram pahnih inkar boruakin ziaawm lam a pan zel hnuah nikum khan data hi a pe leh a, hemi chungchangah hian memorandum of understanding pawh an ziak hial bawk.China hian May 15 aṭang khan Brahmaputra data hi India hnenah hian an pe ṭan tih an sawi a ni.