AP CM-in dik lo taka zángnadawmna late Sorkar hnenah pe kir leh turin a ngen

Arunachal Pradesh chief minister Pema Khandu chuan kawngpui siamna tura dik lo taka zángnadawmna late chu an sum lakte sorkar hnena pe kir leh turin a ngen. Hei hi an zawm lo a nih chuan dan angin an chungah action lak a ni ang, a ti. 

Lower Subansiri district-a Nyokum festival a hmanpuinaah thu sawiin, CM chuan eirukna leh hlemhletna chu eng kawng mahin an ngaizam mai dawn lo tih a sawi. 

"Highway project thawhna turah, ram nei tak tak si loa land compensation la an awm a ni. Heng mite hian dik lo taka zángnadawmna  an dawnte hi police-te an hmachhawn a ngaih hma ngeiin sorkar kutah an rawn pe kir leh tur a ni. He thil sorkar chuan a en liam mai mai dawn lo," a ti.